Kynnum nýjan matseðil vorið 2011

Kvöldverðarseðill / Evening Menu - Hádegisseðill / Lunch menu

Hamborgarar / Hamburgers

Vínseðill / Wines

Kaffi og te/Coffee and Tea

Borðbúnaður

Um alllangt skeið höfum við verið í tilraunum með borðbúnaðinn hér á Narfeyrarstofu. Við höfum keypt inn víða að, leitað eftir samstarfi við leir- og glervinnsluna í Gallerí Bragga hér í Stykkishólmi og farið á markaði innanlands og utan. Nú vinnum við með Sigríði Erlu Guðmundsdóttur í Leir 7 sem er leirverkstæði hér í Stykkishólmi og hefur getið hefur sér gott orð fyrir vörur úr leirnum frá Fagradal á Skarðsströnd. Leirpotturinn sem Leir 7 setti á markað 2009 sló rækilega í gegn en hann var þróaður með hönnunarfyrirtækinu Borðið og er seldur m.a. í Kokku í Reykjavík og hér á verkstæði Leir 7 á Hamraenda í Stykkishólmi. Sigríður framleiðir sérstakan disk fyrir harðfisk sem verkaður er hér hjá Friðborgu í Stykkishólmi, Hún er einnig að þróa tebolla fyrir íslenskt jurtate, diska fyrir Íslenska bláskel úr Breiðafirði og fleiri lystaukandi form. Fagradalsleirinn er fjöregg framleiðslunnar. Hann er bæði nýttur sem grunnefni í formið og sem aðalefni í glerungi. Við berum alla fiskrétti fram á diskum úr Fagradalsleirnum en Lambagúllas úr smiðju Sigríðar með öl í krús er úr hefðbundnum jarðleir úr smiðju Sigríðar.

Húsið

Talið er að húsið Aðalgata 3 hafi verið reist árið 1906 fyrir Málfríði Möller sem var þá ekkja Möllers apótekara. Guðmundur Jónsson frá Narfeyri eignaðist húsið í kringum 1920 en það er ekki fyrr en um miðja nítjándu öld að húsið fær nafnið Narfeyrarhús. Veitingarekstur hófst í húsinu árið 2000 og fékk það þá nafnið Narfeyrarstofa.
Húsið var upphaflega byggt sem íbúðarhús en ýmis starfsemi hefur verið í húsinu í gegnum tíðina. Árið 1996 festa Baldur Þorleifsson hjá Narfeyri ehf og Þorkell Þorkelsson kaup á húsinu og gerðu upp í upprunalegt horf. Ingibjörg Guðjónsdóttir keypti húsið 1999 og kom á fót kaffihúsi á neðri hæðinni en bjó sjálf á efri hæðinni. Árið 2001 keyptu, Sæþór H. Þorbergsson matreiðslumaður og Steinunn Helgadóttir, Narfeyrarstofu og gerðu að veitingahúsi á báðum hæðum. Í upphafi ársins 2011 tóku Guðbrandur Gunnar matreiðslumaður og Selma Rut veitingastjóri við rekstrinum.

Hráefnið

Við erum svo heppin að geta boðið upp á úrvalshráefni sem á rætur að rekja til svæðisins hér í kringum okkur. Lambakjötið fáum við frá Eiríki bónda á Berserkseyri og Hvannalamb frá Höllu á Ytri-Fagradal á Skarðströnd. Aðkeypt hráefni eins og grænmeti reynum við að hafa lífrænt, reynist þess nokkur kostur og leggjum mikla áherslu á að nota íslenskt hráefni í réttina okkar. Sjávarfangið kemur úr Breiðafirðinum en uppáhaldshráefnið okkar er þorskur og bláskel. Við eigum gott samstarf við fiskmarkaði um hráefni og útgerðarfyrirtæki þar sem því verður við komið. Síðastliðinn vetur höfum við unnið mikið með bláskel sem ræktuð er hér í Breiðafirðinum af Íslenskri bláskel í Stykkishólmi og teljum við að þar sé á ferðinni hágæða sælkerafæða.

Veitingastaðurinn

Veitinga- og kaffihúsið Narfeyrarstofa í núverandi mynd er orðinn fastur liður í atvinnu- og menningarlífi bæjarins og hefur orðspor þess borist víða. Veitingahúsið er opið allan ársins hring þótt afgreiðslutími taki árstíðabundnum breytingum. Á veturna snýst starfsemin um hádegi og helgar að miklu leyti og einnig er bryddað upp á uppákomum yfir vetrartímann sem ekki gefst kostur á yfir annasömustu mánuðina.
Matseðill Narfeyrarstofu hefur að geyma frumlega rétti, lystilega borna fram í fallegu umhverfi staðarins þar sem afar sjarmerandi útsýni úr salarkynnum hússins kryddar stemninguna. Á matseðlinum er einnig úrval hamborgara en þeir hafa verið afar vinsælir og nefndir "ekta", "sveittir" og betri en "búlluborgarar" af gestum sem koma aftur og aftur og fá sér hamborgara!
Vínseðillinn er óvenju fjölbreyttur og inniheldur sérvalin vín af ýmsum toga.

Veisluþjónusta hefur einnig verið starfrækt hjá fyrirtækinu sem heldur utan um reksturinn, Narfeyrarstofa ehf, af öllum stærðum og gerðum, bæði innan veggja veitingahússins og ekki síður utandyra. Vígsluveisla Vatnasafnsins í Stykkishólmi fór ekki fram hjá nokkrum manni í Stykkishólmi sumarið 2007, enda öllu tjaldað til í orðsins fyllstu merkingu. Þar var tekið á móti fólki hvaðanæva að úr heiminum og birtust myndir og umsagnir um veisluna víða um lönd. Ekki síðri veisla var haldin vorið 2008 þegar krónprinshjón Danmerkur, Friðrik og Mary, í föruneyti forseta Íslands sóttu Stykkishólm heim. Veislan fór fram úti á sjó um borð í Særúnu, skipi Sæferða ehf., þar sem Narfeyrarstofa sá um veitingar og framreiðslu svo eftir var tekið.

The Restaurant

The restaurant Narfeyrarstofa is in a old house in the heart of Stykkishólmur. The house which was built as a home for Mrs. Málfríður Möller around 1901 has over the years had very different roles in the lifes of the town people. Mothers gave birth to children in this house, offices for the ferry boat company Baldur started here, hair saloon and a snooker room to name a few was also located in this house. In 1999 a coffee house opened in the renovated house and in the year 2000 present owners bought it and turned it into a restaurant and a coffee house. Narfeyrarstofa's menu is filled with unique dishes made from Icelandic local food from the area like Cod, Lamb, Blue Mussels and Icecream. The tableware is developed by local ceramicist Sigríður Erla Guðmundsdóttir in collaboration with the chef and owner of Narfeyrarstofa Sæþór H. Þorbergsson.